ପୃଷ୍ଠଭୂମି

ସାମଗ୍ରିକ ପୋଷଣ ଲକ୍ଷ୍ୟରେ ଶିଶୁ, ଗର୍ଭବତୀ ମହିଳା ଏବଂ ସ୍ତନ୍ୟପାନ କରାଉଥିବା ମା'ମାନଙ୍କ ପାଇଁ ପୁଷ୍ଟିକର ଫଳାଫଳରେ ଉନ୍ନତି ଆଣିବା ପାଇଁ ପ୍ରଧାନମନ୍ତ୍ରୀ ମାର୍ଚ୍ଚ 2018ରେ ପୋଷଣ ଅଭିଯାନ ଆରମ୍ଭ କରିଥିଲେ ।

ଆଜି 2021ରେ ଭାରତ କେବଳ କୋଭିଡ୍-19 ମହାମାରୀ ବିରୋଧରେ ଲଢ଼େଇ କରୁନାହିଁ, ବରଂ ଦେଶରେ ଥିବା ପୁଷ୍ଟିହୀନତା ସହ ମଧ୍ୟ ଲଢ଼େଇ କରୁଛି। ପୋଷଣ ର ଏଜେଣ୍ଡାକୁ ମିଶନ ମୋଡରେ ନେବା ପାଇଁ ପୂର୍ବରୁ ଆରମ୍ଭ ହୋଇଥିବା ପ୍ରୟାସକୁ ତ୍ୱରାନ୍ୱିତ କରିବା ପାଇଁ ବଜେଟ 2021 ଏକ ରୋଡ୍ ମ୍ୟାପ୍ ଦେଇଛି । ମିଶନ ପୋଷଣ 2.0 ସମନ୍ୱିତ ଶିଶୁ ବିକାଶ ସେବା (ICDS) ଅଙ୍ଗନବାଡି ସେବା, ସପ୍ଲିମେଣ୍ଟାରୀ ପୋଷଣ କାର୍ଯ୍ୟକ୍ରମ, ପୋଷଣ ଅଭିଯାନ, କିଶୋରୀ ମାନଙ୍କ ପାଇଁ ଯୋଜନା ଏବଂ ଜାତୀୟ ସିଆରଏଚଇ ଯୋଜନାକୁ ଏକାଠି କରିଛି ।

ଏହାର ଉଦ୍ଦେଶ୍ୟ ହେଉଛି ପୁଷ୍ଟିସାଧନ, ବିତରଣ, ପ୍ରସାର ଏବଂ ଫଳାଫଳକୁ ସୁଦୃଢ଼ କରିବା ପାଇଁ ଏକ ବ୍ୟାପକ, ସମନ୍ୱିତ ରଣନୀତି କାର୍ଯ୍ୟକାରୀ କରିବା, ଦେଶରେ ସ୍ୱାସ୍ଥ୍ୟ, ସୁସ୍ଥତା ଏବଂ ରୋଗ ଓ ପୁଷ୍ଟିହୀନତା ପ୍ରତି ପ୍ରତିରୋଧକ ଶକ୍ତି ବୃଦ୍ଧି କରୁଥିବା ଅଭ୍ୟାସ ବିକଶିତ କରିବା ଉପରେ ନୂତନ ଧ୍ୟାନ ଦେବା ।