ବିଦ୍ୟାଳୟ ଛାତ୍ରଛାତ୍ରୀଙ୍କ ମଧ୍ୟରେ ନବୋନ୍ମେଷ ଏବଂ ସୃଜନଶୀଳତାକୁ ପ୍ରୋତ୍ସାହନ ଦେବା ଦିଗରେ ଭାରତ ଯେଉଁ ଉଲ୍ଲେଖନୀୟ ପ୍ରଗତି ହାସଲ କରିଛି ତାହାକୁ ପାଳନ କରିବା ଏବଂ ଏହାକୁ ଆହୁରି ଆଗେଇ ନେବା ପାଇଁ, ଅଟଳ ଇନୋଭେଶନ ମିଶନ ପାଳନ କରୁଛି ମେଗା ଟିଙ୍କରିଂ ଦିବସ 12 ଅଗଷ୍ଟ, 2025 ରେ। ଏହି ଦେଶବ୍ୟାପୀ ପଦକ୍ଷେପର ଉଦ୍ଦେଶ୍ୟ ହେଉଛି ଜ୍ଞାନ ଆହରଣ ଏବଂ ବୈଷୟିକ ଅନ୍ୱେଷଣ ମାଧ୍ୟମରେ ଯୁବ ମସ୍ତିଷ୍କକୁ ସଶକ୍ତ କରିବାରେ ଅଟଳ ଟିଙ୍କରିଂ ଲ୍ୟାବଗୁଡ଼ିକର ବୃଦ୍ଧି ପାଉଥିବା ପ୍ରଭାବକୁ ପ୍ରକାଶ କରିବା। ମେଗା ଟିଙ୍କରିଂ ଦିବସର ଲକ୍ଷ୍ୟ ହେଉଛି ସମସ୍ତ 10,000 ଅଟଳ ଟିଙ୍କରିଂ ଲ୍ୟାବ ବିଦ୍ୟାଳୟ ଏବଂ ସମ୍ପୃକ୍ତ ଅଂଶୀଦାରଙ୍କୁ ଏକତ୍ର କରିବା, ଟିଙ୍କରିଂ ଏବଂ ନବୋନ୍ମେଷକୁ ଏକ ଦେଶବ୍ୟାପୀ ଆନ୍ଦୋଳନରେ ପରିଣତ କରିବା ଲାଗି ଦୃଷ୍ଟିକୋଣକୁ ସୁଦୃଢ଼ କରିବା। ଏହା ଏକ ଦିନିକିଆ ଦେଶବ୍ୟାପୀ କାର୍ଯ୍ୟକ୍ରମ ଯେଉଁଠାରେ ସମସ୍ତ 10,000 ATL ଏକାଠି ହୋଇ ଏକ ଘଣ୍ଟା ପାଇଁ ଏକ ଡୁ-ଇଟ୍-ୟୋରସେଲ୍ଫ ପ୍ରକଳ୍ପ ନିର୍ମାଣ କରିବେ।

ମେଗା ଟିଙ୍କରିଂ ଦିବସର ଉଦ୍ଦେଶ୍ୟଗୁଡ଼ିକ ହେଲା-
1. ଛାତ୍ରଛାତ୍ରୀଙ୍କ ମଧ୍ୟରେ ନବସୃଜନ ଭାବନାକୁ ପ୍ରୋତ୍ସାହିତ କରିବା
2. ଏକାଠୀ ଏକ ଗ୍ରୁପରେ ଗୋଟିଏ ସାଧାରଣ ଟିଙ୍କରିଂ ପ୍ରକଳ୍ପ ତିଆରି କରିବା
3. ଭାରତର ସବୁଠାରୁ ବଡ଼ ଟିଙ୍କରିଂ କାର୍ଯ୍ୟକ୍ରମ ଅଂଶବିଶେଷ ହେବା

ଆକ୍ଟିଭିଟି
ସାରା ଦେଶର ବିଦ୍ୟାଳୟଗୁଡ଼ିକ ସେମାନଙ୍କ ଛାତ୍ରଛାତ୍ରୀ, ATL ପ୍ରଭାରୀ, ପ୍ରଧାନଶିକ୍ଷକ, ପରାମର୍ଶଦାତା, AIM ଦଳ ଏବଂ ଷ୍ଟେକହୋଲ୍ଡରମାନଙ୍କ ସହିତ ସେମାନଙ୍କ ATLରୁ ଭର୍ଚୁଆଲ ମାଧ୍ୟମରେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ଏହି କାର୍ଯ୍ୟକ୍ରମରେ ସମଗ୍ର ଭାରତରୁ ଭାଗ ନେଉଥିବା ଛାତ୍ରଛାତ୍ରୀମାନେ ଗୋଟିଏ ଦିନରେ ସାମୂହିକ ଭାବେ କରାଯାଇଥିବା ସବୁଠାରୁ ବଡ ବୈଶ୍ୱିକ ଟିଙ୍କରିଂ କାର୍ଯ୍ୟକ୍ରମରେ ଏକ ଅଭିନବ ପ୍ରକଳ୍ପ ନିର୍ମାଣ କରିବେ। ଏହି କାର୍ଯ୍ୟକ୍ରମ ସମୟରେ ସାରା ଭାରତରେ ସମସ୍ତ ATL ମିଶି 1 ଘଣ୍ଟା ପାଇଁ ଏକ ଛୋଟ ଟିଙ୍କରିଂ ପ୍ରକଳ୍ପ ନିର୍ମାଣ କରିବେ।

ଏଠାରେ କ୍ଲିକ୍ କରନ୍ତୁ କୁ ଯାଆନ୍ତୁ