ଭାରତକୁ ବିଶ୍ୱର ଖାଦ୍ୟ ବାସ୍କେଟ୍ ରେ ପରିଣତ କରିବାରେ ଖାଦ୍ୟ ପ୍ରକ୍ରିୟାକରଣ କ୍ଷେତ୍ରର ସମ୍ଭାବନାକୁ ସ୍ୱୀକାର କରି ଭାରତ ସରକାରଙ୍କ ଖାଦ୍ୟ ପ୍ରକ୍ରିୟାକରଣ ଶିଳ୍ପ ମନ୍ତ୍ରଣାଳୟ ଖାଦ୍ୟ ପ୍ରକ୍ରିୟାକରଣ ଉପବିଭାଗରେ ପୁଞ୍ଜିନିବେଶ କୁ ପ୍ରୋତ୍ସାହିତ କରିବା ପାଇଁ ପଦକ୍ଷେପ ଗ୍ରହଣ କରିଛି । ଏଥିରେ ବ୍ୟାକୱାର୍ଡ ଲିଙ୍କେଜ, ଖାଦ୍ୟ ପ୍ରକ୍ରିୟାକରଣ ଉପକରଣ, ପ୍ରକ୍ରିୟାକରଣ ସମ୍ବନ୍ଧୀୟ ଗବେଷଣା ଓ ବିକାଶ, ଶୀତଳ ଭଣ୍ଡାର ସମାଧାନ, ଷ୍ଟାର୍ଟ-ଅପ୍, ଲଜିଷ୍ଟିକ୍ ଏବଂ ଖୁଚୁରା ଶୃଙ୍ଖଳା ଅନ୍ତର୍ଭୁକ୍ତ, ଯାହା ସମଗ୍ର ଖାଦ୍ୟ ପ୍ରକ୍ରିୟାକରଣ ମୂଲ୍ୟ ଶୃଙ୍ଖଳାକୁ ଅନ୍ତର୍ଭୁକ୍ତ କରେ ।

ଭାରତର ସମୃଦ୍ଧ ଖାଦ୍ୟ ସଂସ୍କୃତି ସହିତ ବିଶ୍ୱକୁ ପରିଚିତ କରାଇବା ସହିତ ଦେଶର ବିବିଧ ଖାଦ୍ୟ ପ୍ରକ୍ରିୟାକରଣ କ୍ଷେତ୍ରରେ ନିବେଶକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ, ଖାଦ୍ୟ ପ୍ରକ୍ରିୟାକରଣ ଶିଳ୍ପ ମନ୍ତ୍ରଣାଳୟ 2017ରେ ୱର୍ଲଡ ଫୁଡ୍ ଇଣ୍ଡିଆର ପ୍ରଥମ ସଂସ୍କରଣର ଶୁଭାରମ୍ଭ କରିଥିଲା । 2023କୁ ଅନ୍ତର୍ଜାତୀୟ ମିଲେଟ୍‌ ବର୍ଷ ଭାବେ ପାଳନ କରିବା ଏବଂ ବିଶ୍ୱ ଖାଦ୍ୟ ପ୍ରକ୍ରିୟାକରଣ ଶିଳ୍ପକୁ ଏକାଠି କରିବା ପାଇଁ ଖାଦ୍ୟ ପ୍ରକ୍ରିୟାକରଣ ମନ୍ତ୍ରଣାଳୟ 2023ରେ ଦ୍ୱିତୀୟ ୱର୍ଲଡ ଫୁଡ୍ ଇଣ୍ଡିଆ ଆୟୋଜନ କରିଥିଲା।