ଏହି ଶତାବ୍ଦୀରେ ଆମେ ଅନୁଭବ କରୁଛୁ ଯେ ଯୋଗ ସମଗ୍ର ବିଶ୍ୱକୁ ଏକ ସୂତ୍ରରେ ବାନ୍ଧି ରଖିଛି
-ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

ପ୍ରାଚୀନ ଭାରତୀୟ ପରମ୍ପରାର ଏକ ଅମୂଲ୍ୟ ଉପହାର ହେଉଛି ଯୋଗ, ଯାହା ଶାରୀରିକ ଓ ମାନସିକ ସୁସ୍ଥତା ବୃଦ୍ଧି ପାଇଁ ଅନ୍ୟତମ ବିଶ୍ୱାସଯୋଗ୍ୟ ମାଧ୍ୟମ ଭାବରେ ଉଭା ହୋଇଛି । "ଯୋଗ" ଶବ୍ଦଟି ସଂସ୍କୃତ ମୂଳ ଯୁଗରୁ ଉତ୍ପନ୍ନ ହୋଇଛି ଯାହାର ଅର୍ଥ ହେଉଛି "ମିଶାଇବା", "ଯୋଡ଼ିବା" କିମ୍ବା "ଏକାଠି ହେବା", ଯାହା ମନ ଓ ଶରୀର; ଚେତନା ଓ କାର୍ଯ୍ୟ; ସଂଯମ ଓ ପରିପୂର୍ଣ୍ଣତା; ମନୁଷ୍ୟ ଓ ପ୍ରକୃତି ମଧ୍ୟରେ ସମନ୍ୱୟର ଏକତାର ପ୍ରତୀକ, ଏବଂ ସ୍ୱାସ୍ଥ୍ୟ ଓ କଲ୍ୟାଣ ପାଇଁ ଏକ ସାମଗ୍ରିକ ଆଭିମୁଖ୍ୟ।

ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିରନ୍ତର ପ୍ରୟାସ ଯୋଗୁଁ ଜୁନ୍ 21 କୁ ଜାତିସଂଘ ସାଧାରଣ ସଭା ଅନ୍ତର୍ଜାତୀୟ ଯୋଗ ଦିବସ ଭାବେ ଘୋଷଣା କରିଥିଲା । UNGA ଏହାର ପ୍ରସ୍ତାବରେ ଅନୁମୋଦନ କରିଛି ଯେ "ଯୋଗ ଜୀବନର ସମସ୍ତ ଦିଗ ମଧ୍ୟରେ ସନ୍ତୁଳନ ରକ୍ଷା କରିବା ସହିତ ସ୍ୱାସ୍ଥ୍ୟ ଓ କଲ୍ୟାଣ ପାଇଁ ଏକ ସାମଗ୍ରିକ ଆଭିମୁଖ୍ୟ ପ୍ରଦାନ କରେ । ଯୋଗାଭ୍ୟାସର ଉପକାରିତା ବିଷୟରେ ସୂଚନାର ବ୍ୟାପକ ପ୍ରସାର ବିଶ୍ୱବାସୀଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ହେବ।" ଏହା ସାମଗ୍ରିକ ସ୍ୱାସ୍ଥ୍ୟ ବିପ୍ଳବର ଏକ ଯୁଗ ସୃଷ୍ଟି କରିଥିଲା ଯେଉଁଥିରେ ଚିକିତ୍ସା ଅପେକ୍ଷା ପ୍ରତିରୋଧ ଉପରେ ଅଧିକ ଧ୍ୟାନ ଦିଆଯାଇଥିଲା ।

ଶତାବ୍ଦୀ ପୂର୍ବେ ଅନ୍ୟତମ ଲୋକପ୍ରିୟ ସଂସ୍କୃତ କବି ଭର୍ତ୍ତୃହରି ଯୋଗର ବିଶେଷତ୍ୱ ଉପରେ ଆଲୋକପାତ କରି କହିଥିଲେ:

धैर्यं यस्य पिता क्षमा च जननी शान्तिश्चिरं गेहिनी
सत्यं सूनुरयं दया च भगिनी भ्राता मनः संयमः।
शय्या भूमितलं दिशोSपि वसनं ज्ञानामृतं भोजनं
एते यस्य कुटिम्बिनः वद सखे कस्माद् भयं योगिनः।।

ଅର୍ଥାତ୍ ନିୟମିତ ଯୋଗାଭ୍ୟାସ କରିବା ଦ୍ଵାରା ଜଣେ ବ୍ୟକ୍ତି ଅନେକ ଅଲ ଗୁଣ ଲାଭ କରିପାରିବ, ଯେପରିକି ସାହସ ଯାହା ପିତା ତୁଲ୍ୟ ସୁରକ୍ଷା ଦିଏ, କ୍ଷମା ଯାହା ସର୍ବଦା ମା'ଙ୍କ ପାଖରେ ମିଳିଥାଏ ଏବଂ ମାନସିକ ଶାନ୍ତି ଯାହା ଚିରଦିନର ଜଣେ ବନ୍ଧୁ ବାବେ ରହିଥାଏ । ନିୟମିତ ଯୋଗ ଅଭ୍ୟାସ ଦ୍ୱାରା ସତ୍ୟ ଆମ ସନ୍ତାନ ହୋଇଯାଏ, ଦୟା ଆମ ଆମ ଭଗିନୀ ହୁଏ, ଆମ ଭାଇ ହୁଏ ଆତ୍ମ-ସଂଯମ, ପୃଥିବୀ ଆମର ଶଯ୍ୟା ପାଲଟିଯାଏ ଏବଂ ଆମର ଭୋକ ମେଣ୍ଟାଏ ଜ୍ଞାନ।