ଯୁବପିଢ଼ିଙ୍କ ପାଇଁ ଚାପମୁକ୍ତ ବାତାବରଣ ସୃଷ୍ଟି କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏକ ବୃହତ ଆନ୍ଦୋଳନ 'ଏକ୍‌ଜାମ ୱାରିୟର୍ସ'ର ଏକ ଅଂଶ ହେଉଛି ପରୀକ୍ଷା ପେ ଚର୍ଚ୍ଚା କାର୍ଯ୍ୟକ୍ରମ।
ଛାତ୍ରଛାତ୍ରୀ, ପିତାମାତା, ଶିକ୍ଷକ ଓ ସମାଜକୁ ଏକାଠି କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ୟମରେ ଏହା ଏପରି ଏକ ଆନ୍ଦୋଳନ, ଯାହାଦ୍ୱାରା ଏଭଳି ଏକ ପରିବେଶ ସୃଷ୍ଟି ହେବ, ଯେଉଁଠି ପ୍ରତ୍ୟେକ ପିଲାର ଅନନ୍ୟ ବ୍ୟକ୍ତିତ୍ୱର ଉତ୍ସବ ପାଳନ ହେବ, ପ୍ରୋତ୍ସାହିତ କରାଯିବ ଏବଂ ନିଜର ଭାବନା ବ୍ୟକ୍ତ କରିବାରେ କୌଣସି ପ୍ରତିବନ୍ଧକ ନଥିବ, ଆଉ ଏହି ଅଭିଯାନକୁ ସମ୍ପୂର୍ଣ୍ଣ ଭାବେ ପ୍ରେରଣା ଦେଇଛି ପ୍ରଧାନମନ୍ତ୍ରୀ ମୋଦୀଙ୍କ ବେଷ୍ଟ୍‌ସେଲିଂ ବହି 'ଏକ୍‌ଜାମ୍‌ ୱାରିଅର୍ସ' । ଏହି ପୁସ୍ତକ ମାଧ୍ୟମରେ ପ୍ରଧାନମନ୍ତ୍ରୀ ଶିକ୍ଷା କ୍ଷେତ୍ରରେ ଏକ ନୂତନ ଆଭିମୁଖ୍ୟ ଉପରେ ଆଲୋକପାତ କରିଛନ୍ତି। ଛାତ୍ରଛାତ୍ରୀଙ୍କ ଜ୍ଞାନ ଓ ସାମଗ୍ରିକ ବିକାଶକୁ ପ୍ରାଥମିକତା ଦିଆଯାଇଛି। ଅଯାଥା ଚାପ ଓ ଚିନ୍ତା ଦ୍ୱାରା ପରୀକ୍ଷାକୁ ଜୀବନ-ମୃତ୍ୟୁର ସ୍ଥିତିରେ ପରିଣତ କରିବା ପରିବର୍ତ୍ତେ ପରୀକ୍ଷାକୁ ସଠିକ୍ ଦୃଷ୍ଟିକୋଣରେ ରଖିବାକୁ ପ୍ରଧାନମନ୍ତ୍ରୀ ସମସ୍ତଙ୍କୁ ଅନୁରୋଧ କରିଛନ୍ତି।
ଶିଖିବା ଏକ ଆନନ୍ଦଦାୟକ, ପରିତୃପ୍ତ ଏବଂ ଅନ୍ତହୀନ ଯାତ୍ରା ହେବା ଉଚିତ - ଏହା ହିଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପୁସ୍ତକର ବାର୍ତ୍ତା।
NaMo ଆପରେ ଥିବା ଏକ୍‌ଜାମ୍‌ ୱାରିୟର୍ସ ମଡ୍ୟୁଲ,ଏକ୍‌ଜାମ୍‌‌ ୱାରିୟର୍ସ ଅଭିଯାନରେ ଏକ ପାରସ୍ପରିକ ଜ୍ଞାନକୌଶଳ ଉପାଦାନକୁ ଯୋଡ଼ିଛି। ଏହା ପ୍ରତ୍ୟେକ ମନ୍ତ୍ରର ମୂଳ ବାର୍ତ୍ତାକୁ ସୂଚାଇଥାଏ ଯାହା ପ୍ରଧାନମନ୍ତ୍ରୀ 'ଏକ୍‌ଜାମ୍‌‌ ୱାରିୟର୍ସ' ପୁସ୍ତକରେ ଲେଖିଛନ୍ତି।
ଏହି ମଡ୍ୟୁଲ କେବଳ ଯୁବବର୍ଗଙ୍କ ପାଇଁ ନୁହେଁ, ବରଂ ଅଭିଭାବକ ଓ ଶିକ୍ଷକମାନଙ୍କ ପାଇଁ ମଧ୍ୟ ଉଦ୍ଦିଷ୍ଟ। ପ୍ରତ୍ୟେକ ମନ୍ତ୍ର ସଚିତ୍ର ଭାବେ ପ୍ରଦର୍ଶିତ ହୋଇଥିବାରୁ ପ୍ରଧାନମନ୍ତ୍ରୀ 'ଏକ୍‌ଜାମ୍‌‌ ୱାରିୟର୍ସ'ରେ ଲେଖିଥିବା ମନ୍ତ୍ର ଏବଂ ଧାରଣାକୁ ସମସ୍ତେ ଗ୍ରହଣ କରିପାରିବେ। ଏହି ମଡ୍ୟୁଲରେ ଚିନ୍ତା ଉଦ୍ରେକକାରୀ କିନ୍ତୁ ଆନନ୍ଦଦାୟକ କାର୍ଯ୍ୟକଳାପ ମଧ୍ୟ ରହିଛି ଯାହା ବ୍ୟବହାରିକ ଉପାୟରେ ଧାରଣାକୁ ଗ୍ରହଣ କରିବାରେ ସାହାଯ୍ୟ କରିଥାଏ।